كنا أربع أصدقاء، وكنا في الصف الثالث الثانوي، نصحوني أدخل معاهم كلية اللغة العربية خصوصًا إني شاطر في اللغة العربية، وأنا رفضت ودخلت كلية أصول الدين لحبي للدين، فقالولي أن كلية اللغة العربية بتتعلق بالدين برضو إضافةً أنه ممكن من خلالها تكون مدرس لغة عربية، وتدريس اللغة العربية بالدروس الخصوصية بيجيب فلوس كتير جدًا وفرصة شغل كويسة، أما مجال كلية أصول الدين محصور في أني أكون إمام مسجد، وكلية اللغة العربية ممكن من خلالها تكون إمام مسجد برضو!!..

والآن وبعد ما اتخرجنا، بقيت مش لاقي وظيفة إمام مسجد بسبب أن الدولة لم تعد توظف أحد، أما الثلاثة أصدقائي اشتغلوا في الدروس الخصوصية وكلهم اتجوزوا وكلهم بقى معاهم فلوس، ومنهم اللي اشترى سيارة.

وأنا دلوقتي نادم كل الندم، ومكتئب، وحزين، وبلوم نفسي على قلة نضجي في الوقت ده..